Hepatitis C ya kala yarkan kya hai

 Hepatitis C ya kala yarkan kya hai

Hepatitis C ya kala yarkan kya hai?

 Apka jigar apko kayi tareeqon se sehat mand rakhta hai, jaise ke apke khoon se toxin nikal deta hai aur ghizaai ajza ko tawanai mein tabdeel karta hai. Hepatitis ka matlab jigar ki sozish hota hai. Hepatitis ki mukhtalif aqsam hain. Hepatitis C (jise mukhtasir tor par hep C kehte hain) ka sabab aik virus hota hai jo jigar ko muntaqil karta hai. Humare yahan ise kala yarkan bhi kaha jata hai. Yeh virus khoon ke zariye muntaqil hota hai. Hep C sehat ke sangin masail peda kar sakti hai, jaise; jigar ko nuqsaan, sarosis, jigar ki nakami, jigar ka cancer. Hep C maut ka sabab bhi ban sakti hai.

Alamat:

Kayi afraad mein hep C ki koi alamat nahi hoti aur unhein maloom bhi nahi hota ke woh is se muntaqil hain. Alamat zahir honay mein 30 saal tak lag saktay hain. Alamat zahir hon, to aam taur par woh jigar ki pukhta bimari ki nishandehi karti hain. Hep C ki alamat aur nishaniyon mein bukhar, thakan, bhook nah lagana, matli, qay, pait ka dard, gehray rang ka peshab, khakstri rang ka pakhaana, joron ka dard, yarkan shamil hosaktay hain.

Hipsi ke mukhtalif marahil

Shadeed Hepatitis C infection ke baad ke pehle 6 mahine mein darj zeel mein se kuch hosakta hai:

  1. Mutasir hone wale baaz afraad 6 mahine mein apne aap se sehatyab hojate hain.
  1. Shadeed marhale mein zyada tar afraad mein Hepatitis C ki koi alamat nahi hoti.
  1. Purana Hepatitis C aik taweel muddat ki Hepatitis C infection ko kehte hain.
  1. Zyada tar mutasir afraad ko purana infection honay ke imkanat zyada hotay hain.
  1. Purana Hepatitis C jigar ki sozish aur zakham ke nishan ka sabab hosakta hai jis ke sabab jigar ka ausat nuqsan (fibrosis) aur jigar ka shadeed nuqsan (cirrhosis) hosakta hai.
  1. Cirrhosis wale afraad mein jigar ki nakami, jigar ke cancer aur yahan tak ke maut ka zyaya khatra hota hai.
  1. Jigar ka nuqsan aksar dheere-dheere, 20 ta 30 saal mein waqea hota hai.
  1. Hepatitis C aur jigar ki sehat ki jaanchen marz ki tasdeeq karnay ya yeh jannay ke liye ke Hepatitis C aap ki sehat ko kaisay mutasir kar raha hai, aap ka doctor in mein se baaz cheezen jaanch sakta hai.

Khoon ki jaanch zaroori hoti hai taake aap ki sehat ka khayal rakha ja sake. Yeh jaanche aksar doctors ki salahiyaton ka hissa hoti hain. Yahan hum aap ko kuch aham jaanchon ke baare mein batayenge jinhe khoon ki jaanch ke zariye kiya ja sakta hai.

• Hepatitis C Anty Body Test: Yeh jaanch batati hai ke aap Hepatitis C virus se mutasir hain ya nahi. Agar yeh jaanch musbat hoti hai toh ek aur jaanch ki zaroorat hogi (Hepatitis C RNA test) jisse dekhne ke liye ke kya abhi aap ko Hepatitis C hai.

• Hepatitis C RNA (viral load) test (jise PCR bhi kehte hain): Yeh batati hai ke kitna Hepatitis C virus abhi aap ke khoon mein hai. Agar is jaanch ka natija musbat hota hai toh is ka matlab hai ke filhal aap Hepatitis C se mutasir hain. Agar aap Hepatitis C ka ilaaj jari rakhte hain, toh aap ki Hepatitis C RNA jaanch ilaaj ke dauran aur mabaad ilaaj yeh jaanne ke liye ki jaayegi ke aya ilaaj theek kaam kar raha hai. Agar ilaaj kaamyaab rehta hai, toh viral load ghat kar sifar hojayega (naqaabil e nishandahi) aur wahi baqi rehega.

• Hepatitis C genotype test: Yeh aap ke Hepatitis C virus ki qism batati hai. Aap ke genotype ko jaanne se doctor ko aap ke liye behtareen ilaaj tashkeess karne mein madad milegi.

• Jigar ke af’aal ki jaanchain (LFTs): Yeh paimaish karti hain ke jigar kitni achi tarah kaam kar raha hai. Aala satah ka matlab hai ke jigar ki sozish ya us ko nuqsaan pohancha hai.

• Jigar ke fibrosis ki jaanchain (jaise FibroSure): Jigar ko hone wale nuqsaan ki maqdar ka pata lagati hai (fibrosis).

Liver ultrasound/fibroscan

Yeh ghair jirahii janchain hain jo jigar ki shakl, size ya sakhti ki aik tasveer faraham karti hain.

Liver biopsy

Iss mein jigar ki baft ka aik chhota sa tukra aik sui se nikala jata hai. Nuqsaan ya bimari ke liye baft ki janch microscope se ki jati hai.

Khoon ki janch ya ultrasound process, mutasir afraad mein har chhay mah mein kiye jane ki sifarish hai.

Agar aapko hepatitis C hai

Iss amr ko yaqeeni banane ke liye apne doctor se ba-qaida salah mashwara karte rahiye takay aap sehatmand rahen. Agarche aap khud ko behtar mehsoos kar rahe hon, tab bhi aap ke jigar mein masail ho sakte hain. Aap ka doctor aap ki sehat mein behtarai ke liye behtareen faislay karke aap ke jigar ke tahaffuz mein aap ki madad karega.

Hep C ke ilaj par ghor karein

Hep C wale zyada tar afraad anti-viral dawayen kayi mahinon tak le kar sehatyab hosakte hain. Sehatyab honay ka matlab hai ke ilaj khatam karne ke chand mah baad khoon mein koi virus nahin mila hai. Nai Hep C anti-viral dawa ke sabab, mazi ke muqablay mein ab ilaj zyada asan aur mukhtasar hogaya hai aur is se Hep C se sehatyabi ka imkaan zyada hogaya hai.

90% se zyada mareez ki sehatyabi

Guzishta kai barson se bari tibi aazmaaishon mein naye mualajaat ka mutalea kya jata raha hai, aur unhein mazi ke mualajaat ke muqablay mehfooz tar paya gaya hai. Ye mualajaat viruses ki tadad ko barhne se roktein hain, jis ka matlab ye hai ke is se bemari se mukammal tor par chutkara nahin milta balkay ilaj ke zariye isay control mein rakha jata hai. Hep C ka koi teeka ya tahafuz mojood nahin hai. Agarchay aap ka ilaj hochuka ho aur aap sehatyab hogaye hon, tab bhi aap ko dobara infection hosakta hai.

Dosron ko Hep C se bachana.

Hepatitis C virus jism ke bahar teen hafton tak zinda reh sakta hai. Sirf naye ya jiraseem se pak dawakay istemaal ke aalaat ya kaam ke aalaat istemaal karein jaise ke soiyan, siringe, royi, kapse, tayyan, razors ya cutters, dhonay ka pani, cocers, astraz ya pipes. Is ke ilawa zati dekh bhaal ki ashya ka kabhi ishtiraak na karein jaise ke tooth brush, razors, soiyan, neel file, nakhun kaatnay wala aala, nakhunon ki qainchi ya dhoye jane walay kapray jo aap ke badan se mas hoay hon. Katnay ki jagah ya khulay ghao ko bandage se dhank kar rakhein aur yaqeeni banayein ke aap ke khoon ko koi dusra fard na chooey.

Agar koi khatoon hamila ho, to woh apnay doctor se hepatitis C ke bare mein guftagu karein. Hepatitis C maan se bacha ko hamal ya bacha ki paidaish ke waqt muntaqil hosakta hai. Yaad rakhein ke chheenk, khansi, musafaha, baat cheet ke zariye ya khane ke bartan, peenay ke glass ke ishtiraak se hepatitis C nahi phelta. Agar kisi ko hepatitis C ho to aap ko kaam, school, khail ya bachay ki nighahdaasht se kharaj nahi kia jana chahiye.

Leave a comment