Petrol 5, mitti ka tail 15 rupay sasta, diesel barqarar

Islamabad (Jang News) – Wazeer-e-Khazana Ishaq Dar ne petroleum masnoaat ki qeematon ka elaam karte hue kaha hai ke petrol ki qeemat mein paanch rupay per litre kami ki gayi hai aur nayi qeemat 267 rupay per litre hogi. Diesel ki qeematein barqarar rahengi, is ke ilawa mitti ke tail ki qeemat mein per litre 15 rupay kami ki jaa rahi hai aur mitti ke tail ki nayi qeemat 187 rupay 73 paise per litre muqarrar ki gayi hai. Petroleum masnoaat ki nayi qeematon ka itlaaq aaj raat 12 baje se hoga. Ishaq Dar ne bataya ke light diesel ki qeemat mein 12 rupay kami ki gayi hai jis ke baad light diesel ki qeemat 184 rupay 68 paise hogi