Shakeebul Hasan ko ghusa agaya, maddah par tashaddud
Bangladesh cricket team ke mashoor all-rounder Shakib Al Hasan aksar ground mein apni karkardagi ke wajah se khabron mein rehte hain, taham iss martaba ground ke bahar apne rawaye ki wajah se woh khabron ki zeenat banay hue hain.
Ghair mulki media ke mutabiq One Day aur T20 format ki all-rounders ki ranking mein number one position par mojood Shakib Al Hasan ko ek taqreeb ke doraan mada’heen ne ghair liya jis ke baad woh apne ghusse par qabu na rakh sake.
Reports ke mutabiq haal hi mein Shakib Al Hasan Bangladesh ke shehr Chittagong mein ek event mein shirkat ke liye gaye to wahaa’n unki ek jhalak dekhne ke liye mada’heen ki bari tadad bhi pohanch gai.
Iss mauqe par Shakib Al Hasan ne ek shakhs ko apni cap se teen martaba maara jis ke baad unhein wahaa’n se rawana kardiya gya.
Reports ke mutabiq bhed mein mojood ek shakhs ne Shakib Al Hasan ki cap utaarne ki koshish ki thi jis par cricketer ko ghusa aya.