Supreme Court ke faislay se siyasi bhran khatam hojana chahiye, Nasira Javed

 Supreme Court ke faislay se siyasi bhran khatam hojana chahiye, Nasira Javed



Karachi (TV report) maroof maahir-e-qanoon Justice (r) Nasira Javed Iqbal ne kaha hai ke az khud notice par Supreme Court ke faislay se siyasi bahraan khatam ho jana chahiye, yahan har group Supreme Court par dabao dalne ki koshish kar raha hai.


Supreme Court ka faisla sab tasleem karein ta ke hujoom ki kifiyat khatam ho, Assembly ki tehleel ke baad 90 din mein election karwana aaini talab hai, Aeen ka talab pura na ho toh iska matlab Aeen torne ki koshish hai. Woh Geo ke program “Capital Talk” mein mizbaan Hamid Mir se guftagu kar rahe thay.


Program mein Tehreek-e-Insaf ke wakeel Barrister Ali Zafar aur maahir-e-qanoon Barrister Kamran Murtaza bhi shareek thay. Barrister Ali Zafar ne kaha ke jaj sahiban dabao nahi lete, Aeen aur qanoon ke mutabiq faislay kar rahe hain.


Khyber Pakhtunkhwa mein Assembly Governor ne tehleel ki wahan tareekh dene ka Sadar ke paas ikhtiyar nahi tha, jail bharo tehreek ke doraan Imran Khan ka zimniat karwana siyasi hikmat-e-amli hai, aisa nahi hosakta tehreek ke doraan poori party qayadat jail chali jaye.



Kamran Murtaza ne kaha ke Supreme Court ka faisla nahin mana gaya toh bahaaran mazeed barhega, jajoon ke aapas mein remarks dene se dono ka tassur kharab hota hai. PTI ki jail bharo tehreek nakam ho gayi hai, Supreme Court mein achanak benches mein jajoon ki tabdeeli durust nahin hai, sahafioun par tashadud karke mamlaat kharab kiye jaa rahe hain.


Mehroof mahir-e-qanoon Justice (R) Nasira Javed Iqbal ne kaha ke az khud note par Supreme Court ke faislay se siyasi bahaaran khatam ho jana chahiye. Yahan har group Supreme Court par dabao daalne ki koshish kar raha hai. Supreme Court ka faisla sab tasleem karein ta keh hejaan ki kefiyat khatam ho. 


Sab parties ne ek-kar ke adalat par dabao daalne ka silsila shuru kiya hai. Ye khatam hona chahiye.


Nasira Javed Iqbal ka kehna tha ke Supreme Court mein benches banana aur cases ko mark karna chief justice ka ikhtiyar hai. Jajoon ki khud apne saathi jajoon par tanqeed karna achi rawaayat nahin hai, iss se ijtenab zaroori hai. Judicial procedures ke tour-tareeqon mein judicial reforms laane ki zaroorat hai.


Nasira Javed Iqbal ne kaha ke assembly ki tehleel ke baad 90 din mein election karwana aaini tawaqa hai. Aain ka tawaqa pura nah ho toh iss ka matlab aain torne ki koshish hai. Election 90 din mein karwana Election Commission ka kaam hai. Election laws mein sadar ke paas election ki tareekh dene ka ikhtiyar hai.


Sadar ka apna ikhtiyar istemaal karna zaroori tha ta keh logon ko pata lag jaye keh election 90 roz mein hi honge. Yeh sawal hi nahin keh 90 roz mein intikhabat kaise honge.

Leave a comment